Waise to main apne dosto mein apne rangeele swabhaav ke karan bahaut prasiddh hoon. Doosra apni awaaz, apna style aur apni adakaari bhi logo ko bahaut bhaati hai, shayad yahi karan hai ki aaj sharaab peene ke baad bhi, log pyar se kabhi kabhi mujhe, Rangeela Sharabi Kababi kahne se nahi chookte.

Baat 1992 ki hai, jab main apne cousin bhai ki shaadi mein Rishikesh se Srinagar (Garhwal, Uttrakhand) gaya. Hum log ladke walo ki aur se the. Apne ladakpan, seedhe-seedhe baat karna aur sur mein gaane ke karan sabhi log (jo nahi bhi jaante the), wo bhi pechaan gaye ki, main dulhe ka mausera bhai hoon.

Raat ko baraat mein humne bhi pee li aur accha dance kiya. Varmala aur khaana kareeb 1 baje khatm ho gaya to ab phero ki bari thi, lekin phero ka samay subeh 6 baje ka tha. Ladki walo ki aur se bhabhi ki sahiliyea (jo kareeb 8-10 rahi hongee) aaye huayee thi. Unme se ek to gazab ki thi. Ab hum log aamne saamne baith gaye aur ek doosre per taane kasne lage. Phir gaano ka daur suru hua aur meri awaaz sunkar bhabhi ki sahiliyo ke to hosh hi udh gaye, wo mere peeche padh gayee aur, unki aur se gaano ki demand aani shuru ho gayee.

Us samay wahaan per (Srinagar mein) kaafi thand thi, to gaana gaate gaate mera bhi gala ab baith gaya tha. Maine chai ke liyea kaha to, unme se jo ek bahut hi sundar thi aur jiska naam Shashi tha, uthi aur mere liyea chai laane chalee gayee. Maine bhi toilet jaane ka bahana kiya aur bahar aa gaya. Mujhe pata tha ki unka kitchen bahar ki aur tha. Main jaanbhoojkar rasoi mein Shashi ke peeche gaya aur bola ki wo bahaut hi sundar hai. Aur kya hum dono ekant mein kuch baatein kar sakte hain? usne aahiste se kaha ki, chhat per chalte hain (january ka mahina aur pahado ki thand) aur hum dono chaat per aa gaye. Maine Shashi ka haath pakda aur kaha ki tum mujhe aachee lagi, kya tum meri dost banogee? Usne haan kaha.

Uske haan kahte hi maine use apni baho mein bhar liya aur kiss karne laga, usne aahiste se kaha ki mere muh se sharaab ki gandh aa rahi hai. To, meine usko kaske pakadkar uske kapdo ke ander haath daal diya aur phir hum dono ek doosre ko choomne lage. Hum logo kareeb 15 minutes tak ek doosre ko choomte rahe. Phir Shashi ne kaha ki log, hum dono ka intzaar kar rahe honge. Phir hum dono chup chaap waheen per wapas aa gaye. Aur jo programme chal raha tha usme shareek ho gaye. Lekin ab Shashi aur mere beech ki dooriya kum ho chuki thi.

Subeh baraat ki vidai se kuch samay pehle Shashi mere paas aaye, aur mujhe ekant mein le jaakar kiss kiya aur pyar se kaha ki, tum ek Rangeele Sharaabi Kabaabi ho. Phir usne mujhe ek Rumaal apni yaad swaroop diya. Aur mujhese sampark mein rehne ko kaha. Hum dono phir kareeb 3 saal tak sampark mein rahe. Main is beech mein bhi Shinagar jata raha aur hum dono ek doosre ke saath khoob masti karte. Aaj bhi jab uske diye hue naam ke baare main sochta hoon jo usne diya tha "Rangeele Sharaabi Kabaabi" acchaa lagta hai.