Mera pati mere hi sang ki aurto ke saath
 
Mera pati mere hi sang ki aurto ke saath ...
Apne pati se dhokha khaane ke baad, ab mujhe kisi ek aise insaan ki talaash thi, jo mujhe samjhe aur main use. Mujhe bus ek hi insaan chahyea tha, jo mera ho, meri care kare. Main bhi uski care karna chahti thi, aur iske liye ab main ek aise insaan ki talaash me thi jiski umar 28 se 42 saal ho kyunki main 35 saal ki vivahit naari thi, aur abhi tak meri koi santaan bhi nahi thi.

Meri kahaani meri zindagi me badi hi rochak rahi hai, aur har tathya (ghatna) kisi na kisi baat se judi hai. Mera pati mere hi sang ki aurto ke saath flirt karta raha, jiska mujhe unhone bhi nahi bataya aur mere sang ki wo aurte bhi, kisi se kam nahi thi, unhe bhi uske saath rang raliya manaane me maza aa raha tha. Jab mujhe ye baat pata chali to maine, khud hi apne sang ki aurto per nazre rakhni shuru kar di.

Baat us samay ki hai, jab main aur mere pati ke beech bahaut pyar hua karta tha. Hum dono ki love marriage thi aur hum dono ek doosre se poore khule the, dil me kuch nahi rakhte the aur ek doosre ko sab kuch bata dete the, shayad isi karan hum dono ke beech itna pyar tha. Hum dono ek doosre ke dil ki awaaz sun sakte the. Hum dono alag alag company me kaam karte the. Ek acchee baat hum dono ki thi ki, mere pati ko khana banana bhi aata tha. To agar kisi din mera khana banane ka mood nahi hoota to, us din wo rasoi sambhaal lete.

Mere ghar me meri sang ki aurto ka bhi aana laga rehta, mere pati bhi unse baate karte aur bahaut majaak kiya karte. Mujhe bhi accha lagta, lekin na jaane kab mere pati ne, meri un sahiliyo se aankh micholi khelni shuru kar di. Aur dheere dheere wo ab mujhse, kabhi kabhi baate bhi chupaane lage. Mujhe koi andesha nahi tha. Aur ab unka meri sang ki aurto ke ghar akele jana bhi shuru ho gaya, jiska mujhe pata bhi nahi chala. Aur jab pata chala to, mere gale se baat nahi utar paayee. Lekin tab tak der ho chuki thi. Mere pati aur mere sang ki kai aurto ke zismaani rishte ban chuke the.

Mujhe mere pati se ghrana hoone lagi thi. mujhe unki koi baat acchee nahi lagti thi. Pehle hum log ek doosre se dil se baat karte the, lekin ab dil se nikli har baat ek kataksh ki terah baate chubhti thi. Main apne dil me kisi ke liye koi galat baat ya paap nahi rakhti thi. Lekin ab sirf mere pati hi aise the, jiske liye koi paap to nahi, lekin dil me ghrana rakhna jaroori ho gaya tha. Hum dono ab koi acchee baate nahi, balki ek doosre per kataksh karte. Pehle mujhe koi bhi galat baat kehne me sharam aati thi, lekin ab wo sharm ja chuki thi. Kyunki ab dil me dard tha, jo dard mujhe apne pati se mila tha. Aur us dard ki dva ab maine bhi (ek partner) khojni shuru kar di thi.

Aakhir mujhe is dard ki dva bhi mil gayee, jab mujhe ek aisa insaan jo mujhse 4 saal chota yaani 31 saal ka ek ladka mila. Jo talaakshuda tha aur kisi ko dhoondh raha tha. Hum dono mile, ek doosre ko phone no. diye, aur phone per hum dono ki baate shuru ho gayee. Hum dono ek doosre se milte, ek doosre ko sunte aur zindagi bitaane lage. Hum dono ke beech kuch acchee bate, chutkule (gande, acche dono) chalte. Hum dono ab ek doosre ko samajhne lage the. Mujhe ek aise hi insaan ki aavashkta thi, jo dil me pyar ke siva kuch na rakhta ho. Uske dil se bus pyar pyar aur pyar hi nikle. Jo apne kaam me nipun ho, main uski aur wo meri care kare. Shayad wo insaan maine ab us Rajesh ki aankho me dekh liya tha.

Hum dono milte rahe, ek doosre ko samajhte rahe aur dheere dheere ek doosre ke kareeb aa gaye. Hum dono ab itne kareeb aa gaye the ki ek doosre ko dekhe bina jeena, mushkil hone laga. Lekin hum dono kuch nahi kar sakte the. Aur phir hum dono ne ek baar kaheen shahr se bahar jaane ka plan kiya. Maine apne pati se kaha ki main apni ek dost ke saath 2 din ke liye shahr se bahar jaa rahi hoon, uttar mila theek hai. Hum dono ek hi din ke liye gaye, aur ek din baad jab main, bina bataye ghar wapas aayee to dang reh gayee. Mera pati mere ki sang ki 3 aurato ke saath nanga naach kar raha tha. Usko bhi maza aa raha tha. Mujhe sharam aa gayee. Main andar aayee aur apne sang ki aurto se baat ki aur kaha ki, tumhe sharam aani chahyea. Tum is insaan ke saath pata nahi kab se aisa nanga naach kar rahe ho.

Itna keh kar main apne kamre me chali gayee, aur ab apne pati se talaak lene ka faisala kar liya. Ek dedh saal me hum dono ko talaak mil gaya, aur maine ab apne us naye boyfriend rajesh se shaadi kar li. Hum dono ki shaadi huye 2 saal ho chuke hain, aur ab mera ek baccha bhi hai. Hum dono ab apni nayee zindagi mein bahaut khush hain.


Spicy Chapters...