Mitr ki Cousin ke Charche
 
Mitr ki Cousin ke Charche ...
Baat un dono ki hai, jab maine 1989 mein 1st time, college mein, NCC ko join kiya. Humein ek date di gayee, aur us date per humara pehla camp kisi gaon mein jana tha. Hum mein se jaydatar cadets naye the, jinme main bhi ek tha, aur kuch puraane humaare seniors bhi the.

Ab, hum saare cadets us gaon mein pahauch gaye, jahaan humara camp lagna tha. Humaare tent mein kareeb 10 cadets the. Main dekhne me sabse choota lagta tha, lekin sabse jayda shaitano mein mera naam tha, kyunki jaydatar seniors mere jaankaar the.

Sabse pehle din shaam ko sare cadets ka parichay hua. Aur phir shaam ko kareeb 7 baje sabhi apne-apne tent mein aa geye. Sabne apni-apni jegah pasand ki, aur apna samaan rakh kar, bistar laga kar sab aaram karne lage. Sabhi cadets din ke thake hue the. Raat 8 baje khaane ka samay hua, aur sabhi khaane ke liyea chale gaye, khana khakar wapas apne tento mein aa gaye, aur apne-apne bister per baithe, sabhi baatein karne lage.

Hum sabhi cadets ek doosre ke baare mein pooch rahe the ki, woh kya karta hai? kahaan rehta hai? uske parivaar ke baare mein ityadi. Unhi mein ek ladka tha, mere poochne per ki, wo kahaan rehta hai to, uska kehna ki, wo us gali ke paas, ek nischit sthan per rehta hai. Maine kaha ki wo, jegh to mere ghar se kareeb 100 meter ki doori per hai, aur waheen per ek ladki "Bela" bhi rehti hai, usne kaha haan.

Maine ab, uske kehne se pehle hi, kehna shuru kar diya ki, Bela ka to mere bhaiyya ke ek mitr se chakkar tha, aur usne kai baar bela ki thukai bhi ki hai. Uske baad uske (Bela ke), kai logo se bhi, chakkar chale. Uski jubaan band thi. Tab maine usse poocha ki, kya wo waheen rehta hai? usne kaha haan, aur dheere se bola ki, Bela uski cousin bahan hai. Lekin un logo ka unse, ab koi rishta nahi hai.

Ye sun kar mujhe thodi si sharam aa gayee, Saare cadets hum dono ki aur dekh rahe the. Maine us bande ko ishaare se tent ke bahar bulaya, aur kaha "I AM SORRY", usne maan liya aur kuch nahi bola. Uske baad se hum dono ek ghanisht mitr ban gaye. Aur aaj bhi hain.


Spicy Chapters...