Do Minute ka Maza...
Hum logo ki shaadi hue abhi ek hi saal hua tha, main gaon mein apne sasural mein, apne saas sasur ke saath thi. Lekin mere pati apni naukari ke karan shahr mein the. Main jawaan thi aur 25 saal ki thi. Main apne parivaar mein sabhi ki dekhbhaal karti aur parivaar me sabhi logo ki chaheti ban chuki thi.

Mere pati shahr mein ek private company mein clerk (accountant) the, aur ek kiraye ke makaan me rehte the, jo ek kamre ka tha. Shaadi jaldbaaji mein ho jaane ke karan, wo shahr me jaldi koi intzaam nahi kar paye ki, hum dono ek saath reh sake. Lekin jaane se pehle is baar wo keh kar gaye ki, agli baar main shahr mein intzaam karke aayungaa aur tumhe apne saath le jayungaa. Main unki yaad mein meethe meethe sapne bunti, aur na jaane man hi man me kitni saari kahaaniya, mere man ke bheetar daud jaati.

Meri apne pati se phone per aksar baat hoti, aur hum dono kaafi lambi baate karte. Unse mile hue is baar, mujhe kareeb ek mahina ho gaya tha, aur main ab unse milne ke liyea betaab thi. Dil me bahaut kuch tha. Main unhe pyar karna chahti thi, unhe choona chahti thi, unse pyar pana chahti thi. Lekin kambakth yeh dooriyaa hum dono ke beech kaante ki terah thi. Main in dooriyo ko mita kar unki baho me simat jana chahti thi, inhi sapno me khoi, main unki raah taakti rehti.

Ek baar hum dono (main aur mere pati) bike per savaar shahr mein, masti mein ghoomte hue, long drive per chale gaye ki, achanak baarish bhi shuru ho gayee. Hum dono ko baarish mein bike per bheegte hue bahaut maja aa raha tha. Beech beech mein main, unhe chhed bhi rahi thi ki, achanak ek gaddha aa gaya aur, bike disbalance ho gayee. Hum dono bike se sadak ke kinaare gir pade. Sadak ke kinaare kaafi kichad bhi tha.

Maine jaise hi apne pati ki aur dekha to main darr gayee, unke chehre per lagi kaali keechad se unka chehra daravana lag raha tha. Main hus padi aur, unke poochne per ki kyun hus rahi ho? to maine us samay unke, daravne lag rahe chehre ko sheeshe mein dikhaya, aur wo bhi hus pade.

Hum dono ne upper baarish ki aur muh kiya, aur maine apne pati ke chehre se keechad ki safai ki. Safai ke baad, unka pehle daravna lagta hua chehra, ab chamak raha tha ki, Achanak wo mere paav ki aur dekhkar hasne lage. Mere poochne per ab kya hua? unhone mere paav ki ishara kiya, to dekha ki meri salwaav neeche ne keechad mein kaali ho gayee thi, aur mere paav bhi bahaut daravaane lagne lage. Jisse hum dono ki hasee choot gayee.

Kisi ki ek aahat aur halke sparsh se, achanak hi main apne bistar par uth baithee. Mere pati mere paas baithe the aur mujhe tak taki lagaye dekh rahe the. Main apni neend se bahar aa chuki thi, aur hairaan thi, kyunki is baar unhone mujhe apne aane ki koi soochna nahi di thi. Wo, mujhe koi surprise dena chahte the, kyunki aaj mera janamdin jo tha. Main unse lipat gayee, aur us mithi kahaani ko jisme hum dono ek doosre ke daravane chehre per has rahe the, sunaane lagi. Wo bhi thaake maar maar kar hasne lage. Aur bole ki, tumhaara daravana sapna bhi ek mithi kahaani hai.


Spicy Chapters...